Mosquerito Común

Clase: Aves.

Orden: Passeriformes

Reino: Animalia

Familia: Tyrannidae

Género: Todirostrum

Especie: Todirostrum cinereum

Brjarigu jalig:  dumalina  jasho 8 cm a 11 cm jamrmyu  jri 4.4- 4 g. jajuyas mauyela jali jaupom naa bon, japigla naa jajuipau  jaijuc  ibrt jajuitegye  aupom- ut jri  jayeg oje  olivo jeni  cajuprtdig naa jawom – ut ja  pagu  ut juprt pri capigla   nat ja joot, cajupr- lot jutnod camauot  poi, jama lashong  jashom,  japig  oyem, nat  ja joot javaat winot jri  cabrnogle ot. Jayrlug jri wrijin nat janamde pinot  jri  ijutnogotda ot  lort brt brt irirgot jajutjeula jacan  japigla jajrg- japem janamjrg  tewrg oyem.

Jaliliprn: brnjaligula  jatepdi, jragle  mauye, rteja  jaligu yeuja jaligu mojrmcajuleja, timprnjintee, punjuleteepri.

Jajuyu:  catep  caubogwi  cailuglig  jau  jet jajrotjet, briroula jaitep du jaleiboglig jamat jalrg  shrnaja  jasham jawahicom jajeushicom  shrnaja shotyagot tead  pulot lpomnogot  teat  jat glrg jaiprm pom nogjet  wocaibrni pun ñonot prnye jashom  japapai  shicom  japrnat  cajanipai  jamawa jaet na punjoutri ni irig.

Jwög:  utriotda  jawögot, oje  nat julotni drm- otniomotni, yún ni migligot,  natpoi  lmalashonogot  das pmtenogot,  cruot, drm- ot, puncam – ot poi oyem.

Brjaligu jamindig:   bonda jamirnrr jajepe, denda  jaminrg  cuyu  janacatu 37 wryu, oreja  jali  imalarigni  jatrm jaye  jamauye, jatrm jashom ishojogm pundoiw ishojogwrnjaala  jatminr pagshu itrm o (5) damtrm  metro  ishogjet niti shrt, bribat  o  iskaibat 20 metro  irigjet  inagjet drmn ot shrt  ebushrt da itminrg, pun tad  shut – ot bibot, wibjoot  watdugñoot, jaot yawanot, (2) cacao o (3) caprila jabigligot, ot da cacogot  naa cain  18 wryu iligjet, 17  0 18 wryu loula cajaiyauno nat jatriot.

Estado de conservación: preocupación menor.  LC

bibliografía

Traducido por:

yakelin Martínez

 

colombia, W. d. (28 de Septiembre de 2013). Universidad Icesi. Obtenido de http://www.icesi.edu.co/wiki_aves_colombia/tiki-index.php?page=Espatulilla+Com%C3%BAn

 

2011-01-12, Alexandre Bianco, XC309045. Accesible en

www.xeno-canto.org/309045

Dirección:

Tras 6a No 29 a 55 Vía al Coco, 940001

E-mail: contacto@avesdelguainia.com

Tel: +57 350 457 3828

correo institucional

© 2018.Derechos reservados. BioEtno